8-11 mart tarixlərində Fransanın Kann şəhərində MIPIM-2011 – Beynəlxalq daşınmaz əmlak sərgisi keçirilmişdir. Azərbaycan, dünya bazarının ən nüfuzlu sərgi salonunda, MIPIM Awards-2011 mükafatına namizəd olan Bakı Ağ Şəhər layihəsi ilə təmsil olunmuşdur. Sərgi iştirakçıları Bakı Ağ Şəhər-in üstünlükləri ilə müstəqil stenddə tanış olmaq imkanı əldə etmişdirlər. Stendin ekspozisiyası layihənin gələcək rayonlarının 1:500 miqyasında hazırlanmış fiziki modelindən ibarət idi. Bundan başqa, Bakı Ağ Şəhər haqqında ətraflı məlumat sərginin xüsusi kataloqunda, bukletlərində və elektron daşıyıcılarında təqdim olunmuşdu. Azərbaycan layihəsinə həsr olunmuş məqalə MIPIM Preview sərgi jurnalının növbəti nömrəsində də dərc edilmişdir.
Reed MIDEM təşkilatçılarının məlumatına görə, sərgidə 81 ölkəni təmsil edən 1700-dən artıq layihə təqdim olunmuşdur. Burada Brüssel, Helsinki, Frankfurt, Münhen,Keyp-Taun, Barselona, və s. kimi şəhərlər də eksponentlər sırasında idi. MDB-ni bu sərgidə Azərbaycan, Rusiya, Gürcüstan, Ukrayna və Belarus təmsil edirdi. MIPIM-2011 1000- dən artıq investisiya şirkətini təmsil edən 4000-nə yaxın aktiv investorları cəlb etmişdir.Burada, həmçinin, iqtisadiyyat sahəsində tanınmış ekspertlərin iştirakı ilə müxtəlif konfranslar, forumlar və dəyirmi masalar keçirilmişdir.Göstərilən tədbirlərdə məruzəçilər inkişaf edən daşınmaz əmlak bazarına investisiya qoyuluşu, maliyyə risklərinin tənzimlənməsi, urbanizasiyanın və şəhərsalmanın müasir meyilləri və digər aktual mövzular haqqında maksimum dolğun məlumat çatdırmişdirlar.
MIPIM-2011 ümumilikdə 30000 yaxın mütəxəssis – investorlar, aparıcı developer və konsaltinq şirkətlərinin nümayəndələri, memar və ərazilərin inkişaf konsepsiyasının müəllifləri qatılmışdır. Tədbir , həmçinin, sərgidə iştirak edən 200-dən artıq xarici KİV nümayəndələri tərəfindən beynəlxalq mətbuatda geniş işıqlandırılmışdır.
Bakı Ağ Şəhər şəhərsalma layihəsi «Azərbaycan Respublikasında 2006-2010-cu illərdə ekoloji vəziyyətin yaxşılaşdırılması üzrə kompleks tədbirlər planı»ın təsdiq olunması haqqında Azərbaycan Respublikasının Prezidentinin Fərmanı çərçivəsində həyata keçirilir. Layihə haqqında daha ətraflı məlumatı www.bakuwhitecity.az. saytından əldə etmək olar.
Qalereya
